اسلام آباد: اسلام آباد ہائیکورٹ نے بانی پی ٹی آئی عمران خان کی جانب سے جج ہمایوں دلاور خان کے خلاف دائر درخواست کو عدم پیروی کی بنیاد پر خارج کر دیا۔
جسٹس اعظم خان نے سماعت کے دوران قرار دیا کہ درخواست گزار کی جانب سے کیس کو آگے نہ بڑھانے کے باعث درخواست قابلِ سماعت نہیں رہی۔
یاد رہے کہ جج ہمایوں دلاور نے الیکشن کمیشن کے توشہ خانہ ریفرنس میں عمران خان کو سزا سنائی تھی۔ عمران خان نے 2023 میں مؤقف اختیار کرتے ہوئے کہا تھا کہ جج ہمایوں دلاور نے ان کے خلاف فیس بک پر متعصبانہ پوسٹس شیئر کی تھیں، جس کے باعث فیصلہ جانبدارانہ تھا اور اس پر نظرِ ثانی کی جانی چاہیے۔
