ملتان: کمشنر عامر کریم خاں رحمان بابا ایکسپریس ٹرین حادثے کے بعد جائے حادثہ شیر شاہ جنکشن پہنچ گئے۔ کمشنر عامر کریم خاں نے جائے حادثہ پر امدادی سرگرمیوں اور ریسکیو آپریشن کا جائزہ لیا۔کمشنر عامر کریم خاں کی متعلقہ محکموں کو ریسکیو آپریشن تیز کرنے اور تمام وسائل بروئے کار لانے کی ہدایت۔شیر شاہ جنکشن کے قریب رحمان بابا ایکسپریس کی ڈی ریلمنٹ کے نتیجے میں چار افراد جاں بحق، 30زخمی ہوئے۔کمشنر عامر کریم خاں کی پولیس اور متعلقہ اداروں کو لاپتہ ڈیڑھ سالہ بچی کی فوری تلاش کی ہدایت۔ کراچی سے راولپنڈی شادی میں شرکت کے لیے جانے والی فیملی کی ڈیڑھ سالہ بچی ٹرین حادثے کے بعد لاپتہ، تلاش جاری۔متاثرہ فیملی کے مطابق بچی اپنی والدہ کے ساتھ برتھ پر لیٹی ہوئی تھی، حادثے کے بعد سے تلاش کیا جا رہا ہے۔ ٹرین کے اندر پھنسے شخص کو نکالنے کے لیے کرین موقع پر پہنچ گئی، ریسکیو آپریشن جاری۔ کمشنر عامر کریم خاں کی ہدایت پر متاثرہ مسافروں کی مدد اور سہولت کے لیے اقدامات جاری۔
مسافروں کی سہولت کے لیے 2 کیمپ قائم کردیے گئے۔ عامر کریم خاں
سپورٹس کمپلیکس میں امدادی کیمپ قائم کیا جاچکا، سہولیات فراہم کی جارہی ہیں۔ عامر کریم خاں
ریلوے اسٹیشن پر ٹرانزٹ کیمپ قائم، متاثرہ مسافروں کو عارضی قیام و طعام کی سہولیات فراہم کی جا رہی ہیں۔ عامر کریم خاں
جانی و مالی نقصان سے محفوظ مسافروں کو متبادل ٹرینوں کے ذریعے ان کی منزلوں تک روانہ کیا جا رہا ہے۔ عامر کریم خاں
ریسکیو آپریشن کے ساتھ متاثرہ مسافروں کی دیکھ بھال اور سہولیات کی فراہمی پر بھی توجہ دی جا رہی ہے۔ عامر کریم خاں
شام تک ڈاؤن ٹریک بحال کرنے کی کوشش کی جا رہی ہے۔ ڈی ایس ریلوے
رحمان بابا ایکسپریس حادثے کے باعث متاثرہ ریلوے ٹریفک کو متبادل راستوں سے گزارا جا رہا ہے۔ ڈی ایس ریلوے
ریلوے حکام کی جانب سے ٹریک کی بحالی کے بعد ٹرینوں کی آمدورفت معمول پر لانے کے لیے اقدامات کیے جا رہے ہیں۔
