ملتان (وقائع نگار)پیپلز پارٹی کے سینئر رہنما، سابق وفاقی وزیر ملک مختار احمد اعوان انتقال کر گئے۔ ان کی وفات سے سیاسی حلقوں میں سوگ کی لہر دوڑ گئی۔ پارٹی کارکنوں و رہنمائوں نے گہرے دکھ کا اظہار کیا ہے۔ ملک مختاراحمداعوان پیپلز پارٹی کے سینئر ترین رہنمائوں میں شمار ہوتے تھے۔ وہ کئی عشروں تک پارٹی کی سیاست میں سرگرم رہے اور مختلف ادوار میں وفاقی وزیر جیسے اہم عہدوں پر فائز رہے۔ ان کی سیاسی خدمات اور جمہوریت کی بحالی کے لیے جدوجہد کو ہمیشہ یاد رکھا جائے گا۔پارٹی چیئرمین بلاول بھٹو زرداری نے بھی اپنے تعزیتی پیغام میں ملک مختاراحمداعوان مرحوم کی سیاسی خدمات کو خراج عقیدت پیش کیا اور ان کی مغفرت اور پسماندگان کے لیے صبر جمیل کی دعا کی۔ ملک مختاراحمداعوان کی وفات سے پیپلز پارٹی ایک تجربہ کار اور بااثر رہنما سے محروم ہو گئی ہے۔
پاکستان پیپلز پارٹی کے سٹی صدر ملک نسیم لابر ایڈووکیٹ کے مطابق مرحوم ملک مختاراعوان کی نماز جنازہ آج بروز بدھ صبح نو بجے ابدالی مسجد میں ادا کی جائے گی۔
