لاہور (شوبز ڈیسک): پاکستان کی معروف اداکارہ ہانیہ عامر ایک بار پھر اپنے لباس اور فیشن اسٹائل کے باعث سوشل میڈیا پر توجہ کا مرکز بن گئی ہیں۔ لاہور میں ایک معروف لگژری برانڈ YSL کے پاکستان میں پہلے اسٹور کی افتتاحی تقریب میں ان کی شرکت کے بعد ان کی تصاویر اور ویڈیوز تیزی سے وائرل ہو گئیں۔
تقریب کے دوران ہانیہ عامر نے سیاہ رنگ کا جدید طرز کا لباس، ہلکا میک اپ اور ویٹ ہیئر اسٹائل اختیار کیا، جس پر سوشل میڈیا صارفین کی مختلف آرا سامنے آئیں۔
جہاں متعدد مداحوں نے اداکارہ کے منفرد انداز، اعتماد اور فیشن سینس کی تعریف کی، وہیں کئی صارفین نے ان کے لباس کو تنقید کا نشانہ بنایا۔ بعض افراد نے اسے غیر روایتی قرار دیا، جبکہ کچھ نے فیشن کے انتخاب پر مختلف تبصرے کیے۔
ہانیہ عامر کے اس نئے انداز نے ایک مرتبہ پھر سوشل میڈیا پر فیشن، لباس اور شوبز شخصیات کے اسٹائل سے متعلق بحث چھیڑ دی، جہاں صارفین نے اپنے اپنے نقطۂ نظر کا اظہار کیا۔
