اسلام آباد: انٹرنیشنل کرکٹ کونسل (آئی سی سی) نے تمام فارمیٹس کی تازہ ترین رینکنگ جاری کردی ہے، جس میں پاکستان کے صائم ایوب نے ٹی ٹوئنٹی آل راؤنڈرز کی فہرست میں دوبارہ پہلی پوزیشن حاصل کرلی ہے۔ انہوں نے سکندر رضا کو پیچھے چھوڑ دیا، جبکہ ویسٹ انڈیز کے روسٹن چیز تیسری پوزیشن پر ہیں۔ صائم ایوب نے بارہ درجے کی چھلانگ لگاتے ہوئے انتالیسویں نمبر پر پہنچ گئے۔
ٹی ٹوئنٹی بولرز میں بھارت کے ورون چکرورتھی پہلی پوزیشن پر موجود ہیں۔ پاکستان کے ابرار احمد چار درجے ترقی کے بعد چوتھی اور محمد نواز دو درجے ترقی کے بعد گیارہویں پوزیشن پر آگئے۔ شاہین آفریدی کی اٹھارہویں پوزیشن برقرار ہے۔ سفیان مقیم چار درجے تنزلی کے بعد بتیسویں اور سلمان مرزا چار درجے ترقی کے بعد چونتیسویں پوزیشن پر ہیں۔
ٹی ٹوئنٹی بیٹرز میں بھارت کے ابھیشیک شرما پہلی پوزیشن برقرار رکھے ہوئے ہیں۔ پاکستان کے صاحبزادہ فرحان دو درجے تنزلی کے بعد چھٹی پوزیشن پر آگئے۔ بابر اعظم ایک درجے تنزلی کے بعد تیسویں پوزیشن اور صائم ایوب دو درجے ترقی کے بعد پینتیسویں نمبر پر ہیں۔
ون ڈے رینکنگ میں ابرار احمد، شاہین آفریدی اور حارث رؤف بالترتیب نویں، اکیسویں اور تئیسویں پوزیشن پر موجود ہیں۔ ون ڈے بیٹرز میں بابر اعظم کی چھٹی اور سلمان آغا کی سترہویں پوزیشن برقرار ہے۔
ٹیسٹ رینکنگ میں بولرز کی فہرست میں نعمان علی تیسری پوزیشن پر ہیں جبکہ ٹیسٹ بیٹرز میں سعود شکیل ایک درجے ترقی کے بعد گیارہویں پوزیشن پر پہنچ گئے۔
