لاہور: پاکستان کرکٹ بورڈ (پی سی بی) نے قومی کھلاڑیوں کو مختلف غیر ملکی لیگز میں حصہ لینے کے لیے این او سی جاری کر دیے ہیں۔
ابوظہبی میں ہونے والی ٹی ٹین لیگ اور آئی ایل ٹی ٹی 20 ایونٹ کے لیے بھی سرکاری اجازت نامے فراہم کر دیے گئے ہیں۔
دبئی ٹی ٹوئنٹی لیگ کے لیے فخر زمان، حسن نواز اور نسیم شاہ کو این او سی مل گیا، جب کہ ابوظہبی ٹی ٹین میں شرکت کے لیے افتخار احمد، خواجہ نافع، آصف علی اور سلمان ارشاد کو بھی اجازت دے دی گئی ہے۔
اسی طرح محمد عامر، عرفات منہاس، عرفان خان، اعظم خان، شاہنواز دھانی، عباس آفریدی، عاکف جاوید، میر حمزہ، عبید شاہ اور زمان خان بھی این او سی حاصل کرنے والوں میں شامل ہیں۔
یاد رہے کہ بابر اعظم، محمد رضوان، شاہین آفریدی، حارث رؤف، شاداب خان اور حسن علی کو اس سے پہلے ہی بگ بیش لیگ میں شرکت کے لیے این او سی جاری کیا جا چکا ہے۔
