اسلام آباد: حکومت نے 27 ویں آئینی ترمیمی بل میں اضافی ترامیم شامل کرنے کا فیصلہ کیا ہے۔ ذرائع کے مطابق یہ ترامیم قومی اسمبلی میں پیش کی جائیں گی اور حکومت اور اپوزیشن کی ترامیم الگ فہرست میں موجود ہیں۔
قومی اسمبلی سے اضافی ترامیم کی منظوری کے بعد بل کو دوبارہ سینیٹ کو بھیجا جائے گا۔ ذرائع کے مطابق سینیٹ اجلاس کا شیڈول بھی تبدیل کر کے ایک روز قبل طلب کر لیا گیا ہے اور اجلاس آج شام پانچ بجے بلا لیا گیا ہے۔
حکومتی ذرائع نے تصدیق کی کہ اپوزیشن کی 11 ترامیم بھی اجلاس کے ایجنڈے میں شامل ہیں۔ اس سے آئینی ترمیمی بل پر بحث اور منظوری کا عمل مزید شفاف اور مکمل ہو سکے گا۔
