چالیس سال سے زائد کھلاڑیوں کا عالمی ٹی ٹوئنٹی، پاکستان اسکواڈ میں شامل اسٹار کھلاڑی

پاکستان ویٹرنز کرکٹ ایسوسی ایشن نے آئی ایم سی اوور 40 ٹی ٹوئنٹی ورلڈ کپ 2025 کے لیے قومی اسکواڈ کا اعلان کر دیا ہے۔
اس 18 رکنی اسکواڈ کی قیادت جارح مزاج آل راؤنڈر عبدالرزاق کریں گے جبکہ ٹیسٹ کرکٹر فواد عالم کو نائب کپتان مقرر کیا گیا ہے۔ لیجنڈ بلے باز جاوید میانداد کو اسکواڈ کا مینٹور بنایا گیا ہے۔ ہیڈ کوچ کے فرائض جلال الدین سنبھالیں گے اور ٹیم منیجر اعظم خان ہوں گے۔
ورلڈ کپ 21 نومبر سے یکم دسمبر تک کراچی میں کھیلا جائے گا۔
پاکستان اوور 40 اسکواڈ:
عبدالرزاق (کپتان)، فواد عالم (نائب کپتان)، شاہد آفریدی، ذوالفقار بابر، ہمایوں فرحت (وکٹ کیپر)، سہیل خان، تابش خان، شہریار غنی، ندیم جاوید، عرفان مشتاق، عدنان بیگ، محمد علی، عاطف مقبول، جاوید منصور، حسن ناصر، محمد سلیمان، طارق محمود، عمران علی