ملک بھر میں پیٹرول کی قیمت میں بڑی کمی کا امکان

ملک بھر میں پیٹرولیم مصنوعات کی قیمتوں میں کمی کا امکان ظاہر کیا جا رہا ہے جو آئندہ پندرہ روز کے لیے لاگو ہوگی۔ ذرائع کے مطابق 16 اکتوبر سے پیٹرول کی قیمت میں تقریباً 6 روپے 10 پیسے فی لیٹر کمی متوقع ہے، جبکہ ہائی اسپیڈ ڈیزل کی قیمت میں 97 پیسے فی لیٹر تک کمی ہونے کا امکان ہے۔ اسی طرح مٹی کے تیل کی قیمت میں 2 روپے 75 پیسے اور لائٹ ڈیزل آئل کی قیمت میں 1 روپے 64 پیسے فی لیٹر کمی کی تجویز دی گئی ہے۔ ذرائع کا کہنا ہے کہ پیٹرولیم انڈسٹری نے اپنی فائنل ورکنگ مکمل کر کے اوگرا کو ارسال کر دی ہے، جو آج شام تک قیمتوں میں ردوبدل کی سمری پیٹرولیم ڈویژن کے ذریعے وزارتِ خزانہ کو بھیجے گی۔ وزارتِ خزانہ کل وزیراعظم سے مشاورت کے بعد پیٹرولیم مصنوعات کی نئی قیمتوں کی حتمی منظوری دے گی۔