اسلام آباد:بانی پاکستان تحریکِ انصاف اور علیمہ خان کے ساتھ یکجہتی کا اظہار کرتے ہوئے پی ٹی آئی نے قومی اسمبلی کے تمام ارکان کو ہدایت دی ہے کہ وہ کل اڈیالہ جیل پہنچیں۔
ذرائع کے مطابق کل تمام ایم این ایز اڈیالہ جیل پہنچیں گے اور وقت کی تفصیل بعد میں فراہم کی جائے گی جس کے مطابق وہ پیش ہوں گے۔
ذرائع کا کہنا ہے کہ چیف وہپ عامر ڈوگر کو ہدایت دی گئی ہے کہ وہ تمام ایم این ایز کی حاضری یقینی بنائیں۔ پارٹی نے یہ بھی ہدایت کی ہے کہ تمام ارکان اپنے حلقوں سے آج رات ہی اسلام آباد واپس پہنچ جائیں تاکہ کل کی کارروائی میں شریک ہو سکیں۔
کل صبح ایم این ایز کو مخصوص وقت کی اطلاع دی جائے گی، اور اس وقت پر ہر صورت عمل کرنا لازمی ہوگا۔
