کراچی: عالمی اور مقامی مارکیٹوں میں سونے کی قیمت میں آج ایک بار پھر نمایاں اضافہ ریکارڈ کیا گیا جس کے نتیجے میں نرخ تاریخ کی نئی بلند ترین سطح پر پہنچ گئے۔
بین الاقوامی بلین مارکیٹ میں فی اونس سونا 33 ڈالر مہنگا ہو کر 3 ہزار 480 ڈالر کی ریکارڈ سطح پر پہنچ گیا۔
عالمی رجحان کے اثرات پاکستان کی مقامی مارکیٹ پر بھی پڑے، جہاں فی تولہ سونے کی قیمت 3 ہزار 300 روپے کے اضافے کے ساتھ 3 لاکھ 70 ہزار 700 روپے کی نئی بلند ترین سطح پر جا پہنچی۔
اسی طرح فی 10 گرام سونا بھی 2 ہزار 829 روپے مہنگا ہو کر 3 لاکھ 17 ہزار 815 روپے کی سطح پر پہنچ گیا۔
