سی فوڈ سیکٹر کے لیے خوشخبری، پاکستان کو امریکہ میں مچھلی برآمدات کی اجازت مل گئی

اسلام آباد: وفاقی وزیر بحری امور محمد جنید انوار چوہدری نے اعلان کیا ہے کہ پاکستان کو امریکہ میں مچھلی اور سمندری مصنوعات کی برآمدات کے لیے 4 سالہ اجازت نامہ حاصل ہو گیا ہے۔
وزیر نے کہا کہ یہ اجازت پاکستانی سی فوڈ کے عالمی معیار کی تصدیق ہے، پاکستانی فشریز امریکی معیار کے مطابق تیار ہیں اور اب سمندری مصنوعات کی برآمدات میں تسلسل ممکن ہو گیا ہے۔
محمد جنید انوار چوہدری نے مزید کہا کہ امریکہ کی منظوری سے پاکستان کی برآمدات کو استحکام حاصل ہوگا۔ گزشتہ سال پاکستان نے 2.42 لاکھ ٹن مچھلی برآمد کی، جس سے 489 ملین ڈالر زرمبادلہ حاصل ہوا، اور اگلے سال برآمدات 600 ملین ڈالر تک پہنچنے کا امکان ہے۔