راولپنڈی: بانی پی ٹی آئی عمران خان نے پارٹی رہنماؤں کو جوڈیشل کمیشن سے بطور ممبر مستعفی ہونے کی ہدایت دی ہے۔ ذرائع کے مطابق عمران خان نے جوڈیشل کمیشن میں پی ٹی آئی ممبران کی موجودگی کو غیر مؤثر قرار دیتے ہوئے انہیں استعفیٰ دینے کا حکم دیا ہے۔
چیئرمین پی ٹی آئی بیرسٹر گوہر اور سینیٹر علی ظفر بطور پارلیمنٹیرین جوڈیشل کمیشن کے رکن ہیں اور ذرائع کا کہنا ہے کہ دونوں آج استعفیٰ دے سکتے ہیں۔ تاہم بیرسٹر گوہر خان نے بطور ممبر جوڈیشل کمیشن استعفے کی تردید کی ہے۔
پارٹی ذرائع کے مطابق پی ٹی آئی کی سیاسی کمیٹی نے عمران خان کی ہدایت پر تمام ارکان کو پارلیمانی کمیٹیوں سے مستعفی ہونے کا حکم دیا تھا۔
