فیصل آباد: انسداد دہشت گردی کی عدالت فیصل آباد نے 9 مئی کے واقعات میں رانا ثنا اللہ کے گھر پر حملے کے مقدمے کا فیصلہ سناتے ہوئے پاکستان تحریک انصاف کے سینئر رہنماؤں سمیت 59 ملزمان کو قید کی سزائیں سنادی ہیں۔
عدالت نے پی ٹی آئی کے 17 اہم رہنماؤں، جن میں سینیٹر شبلی فراز، عمر ایوب، زرتاج گل، شیخ راشد شفیق، رائے حسن نواز، فرخندہ کوکب، کنول شوذب، چوہدری بلال اعجاز، اشرف سوہنا، فرح آغا، رائے مرتضیٰ اقبال اور دیگر شامل ہیں، کو 10، 10 سال قید کی سزا سنائی۔
ایم پی اے حاجی اسماعیل سیلا (حلقہ 116) کو بھی 10 سال قید کی سزا سنائی گئی جبکہ ایم پی اے شیخ شاہد جاوید (حلقہ 115) کو تین سال قید کی سزا دی گئی۔
عدالت نے 59 افراد کو 10 سال جبکہ 16 افراد کو تین تین سال قید کی سزائیں سنائیں۔
فواد چوہدری اور زین قریشی کو شواہد نہ ہونے پر بری کر دیا گیا۔
