لاہور: گلدشت ٹاؤن کے چونگی دوگیج علاقے میں نویں جماعت کی 17 سالہ طالبہ نے امتحان میں فیل ہونے کے بعد خودکشی کر لی۔
ایدھی کے ترجمان کے مطابق مناہل امتحانات میں ناکامی کے بعد شدید ذہنی دباؤ کا شکار ہو گئی تھی اور اس نے دل برداشتہ ہو کر زہریلی گولیاں کھا لیں۔ بعد ازاں اس کی حالت بگڑ گئی اور وہ جانبر نہ ہو سکی۔
پولیس نے قانونی کارروائی مکمل کرکے لاش کو ایدھی ایمبولینس کے ذریعے مردہ خانے منتقل کر دیا۔ افسوسناک واقعے نے علاقے میں غم کی فضا قائم کر دی ہے۔
