اسلام آباد: الیکشن کمیشن آف پاکستان نے عمر ایوب کی نااہلی سے متعلق ریفرنس کی سماعت 20 اگست کو مقرر کر دی ہے۔
رواں ہفتے کی کاز لسٹ کے مطابق، عمر ایوب کے خلاف دائر ریفرنس پر سماعت منگل کو ہوگی۔ الیکشن کمیشن نے عمر ایوب اور درخواست گزار بابر نواز کو نوٹس بھیج دیا ہے۔
واضح رہے کہ عمر ایوب پر اثاثہ جات میں غلط بیانی اور اہم تفصیلات چھپانے کے الزامات عائد ہیں، جن کی بنیاد پر یہ ریفرنس دائر کیا گیا ہے۔
