اسلام آباد: انسداد دہشت گردی عدالت نے 26 نومبر ڈی چوک احتجاج کیس میں علیمہ خان کی عبوری ضمانت کنفرم کر دی۔
عدالتی حکم کے مطابق علیمہ خان کو 50 ہزار روپے کے ضمانتی مچلکے جمع کرانے ہوں گے۔ عدالت نے اپنے فیصلے میں کہا کہ مقدمے میں ان کے خلاف کوئی ٹھوس شواہد پیش نہیں کیے گئے، لہٰذا ضمانت منظور کی جاتی ہے۔
انسداد دہشت گردی عدالت کے جج امجد علی شاہ نے فیصلہ سناتے ہوئے علیمہ خان کو آئندہ سماعت پر عدالت میں پیش ہونے کی ہدایت بھی دی۔
