لاہور: تحریک انصاف کی رہنما ڈاکٹر یاسمین راشد نے نو مئی کے تین مقدمات میں سنائی گئی سزاؤں کے خلاف لاہور ہائی کورٹ میں اپیلیں دائر کر دی ہیں۔
یاسمین راشد نے تھانہ شادمان پر حملے، شیر پاؤ پل پر جلاؤ گھیراؤ، اور جناح ہاؤس کے قریب گاڑیاں جلانے کے مقدمات میں اپیلیں دائر کی ہیں۔ اپیل میں استدعا کی گئی ہے کہ ٹرائل کورٹ نے حقائق کا درست جائزہ نہیں لیا، اس لیے عدالت تینوں مقدمات میں سزاؤں کو کالعدم قرار دے اور اپیل کے حتمی فیصلے تک سزا معطل کر کے رہائی کا حکم دے۔
ان مقدمات میں اے ٹی سی نے ڈاکٹر یاسمین راشد کو ہر کیس میں 10-10 سال قید کی سزا سنائی تھی۔
