اسلام آباد: وفاقی حکومت نے سیلاب متاثرین کے لیے بڑا ریلیف دینے کا فیصلہ کیا ہے۔
ذرائع کے مطابق حکومت بجلی کے بلوں پر جنرل سیلز ٹیکس (جی ایس ٹی)، ایف سی سرچارج اور فکس چارجز ختم کرنے پر غور کر رہی ہے تاکہ متاثرین کو فوری مالی راحت مل سکے۔ اس کے ساتھ فیول پرائس ایڈجسٹمنٹ پر جی ایس ٹی اور ایکسائز ڈیوٹی کے خاتمے کی بھی تجویز زیر غور ہے۔
مزید برآں انکم ٹیکس، ریٹیلر سیلز ٹیکس اور دیگر اضافی ٹیکسز ختم کرنے پر بھی بات چیت جاری ہے۔ سیلاب متاثرین کے بجلی بلز پر یہ ریلیف وفاقی حکومت برداشت کرے گی، جبکہ لینڈ ریونیو کی معافی صوبائی حکومتوں کی ذمہ داری ہوگی۔
علاوہ ازیں، سیلاب سے متاثرہ کاشتکاروں کے نقصانات کے ازالے کے لیے خصوصی پیکیج پر بھی کام جاری ہے تاکہ زرعی شعبے کو درپیش مشکلات کم کی جا سکیں۔
