اسلام آباد: عمران خان اور بشریٰ بی بی کی سزا معطلی کیس میں پی ٹی آئی کی تیز سرگرمیاں
190 ملین پاؤنڈز کیس میں سزا معطلی کی درخواست پر جلد سماعت کے لیے پاکستان تحریک انصاف نے اپنی کوششیں تیز کر دی ہیں۔
یاد رہے کہ ہائی کورٹ کے دو رکنی بینچ نے اس معاملے کو فوری طور پر مقرر کرنے کی ہدایت دی تھی لیکن اب تک بانی پی ٹی آئی عمران خان اور ان کی اہلیہ بشریٰ بی بی کی اپیل سماعت کے لیے فکس نہیں ہو سکی۔
آج عمران خان کی بہن علیمہ خان چیف جسٹس کے چیمبر میں کیس کی جلد سماعت کے لیے پہنچیں۔ اس موقع پر نیاز اللہ نیازی، نعیم حیدر پنجوتھا اور خالد یوسف چوہدری بھی عدالت میں موجود تھے جبکہ انتظار حسین پنجوتھا اور علی بخاری ایڈووکیٹ بھی ہائی کورٹ پہنچے۔
