راولپنڈی: تھانہ صادق آباد میں ہنگامہ آرائی، جلاؤ گھیراؤ اور توڑ پھوڑ کے مقدمے میں بانی پی ٹی آئی کی بہن علیمہ خان کے خلاف آج انسدادِ دہشت گردی عدالت میں سماعت ہوگی۔
ذرائع کے مطابق عدالت نے علیمہ خان کو چھٹی مرتبہ وارنٹ گرفتاری کے تحت گرفتار کر کے پیش کرنے کا حکم دے رکھا ہے۔
یہ مقدمہ انسدادِ دہشت گردی عدالت کے جج امجد علی شاہ کی عدالت میں سنا جائے گا۔
آج کی سماعت میں پانچ گواہوں کے بیانات ریکارڈ کیے جانے کا امکان ہے جنہیں عدالت نے طلب کر رکھا ہے، جب کہ دیگر 10 ملزمان کو ذاتی حیثیت میں پیش ہونے کی ہدایت دی گئی ہے۔
عدالت نے تمام گواہان کو تفتیشی افسر کے ہمراہ پیش کرنے کا حکم بھی جاری کیا ہے۔
