ضمنی انتخابات کا نیا شیڈول الیکشن کمیشن کی جانب سے جاری

اسلام آباد:الیکشن کمیشن آف پاکستان نے پنجاب کے پانچ حلقوں میں ضمنی انتخابات کے لیے نیا شیڈول جاری کر دیا ہے۔ شیڈول کے مطابق این اے-96، این اے-104، این اے-143، پی پی-98 اور پی پی-203 میں پولنگ ہوگی۔
صوبائی الیکشن کمشنر پنجاب کے ترجمان کے مطابق ریٹرننگ آفیسرز کے فیصلوں کے خلاف اپیلوں کی آخری تاریخ 24 اکتوبر ہے، جبکہ اپیلٹ ٹریبونل اپیلوں کے فیصلے 31 اکتوبر تک کرے گا۔
امیدواروں کی نظرِ ثانی شدہ فہرست یکم نومبر کو جاری کی جائے گی، امیدواروں کی دستبرداری کی آخری تاریخ 3 نومبر مقرر کی گئی ہے، اور انتخابی نشانات کی الاٹمنٹ 4 نومبر کو ہوگی۔ ضمنی انتخابات میں پولنگ 23 نومبر 2025 کو ہوگی۔
بیان میں مزید کہا گیا کہ الیکشن ایکٹ 2017 کے تحت شیڈول جاری کیا گیا ہے اور ضابطہ اخلاق کی مکمل پاسداری کو یقینی بنایا جائے گا۔