لاہور: سابق وزیراعلیٰ پنجاب اور پاکستان تحریک انصاف کے رہنما چوہدری پرویز الٰہی کے خلاف منی لانڈرنگ کیس کی سماعت کے دوران عدالت نے ان کے قابل ضمانت وارنٹ گرفتاری جاری کر دیے۔
اسپیشل سنٹرل کورٹ لاہور میں مقدمے کی سماعت جج عارف خان نیازی نے کی۔ سماعت کے دوران پرویز الٰہی کی غیر حاضری پر عدالت نے سخت برہمی کا اظہار کیا اور ان کی جانب سے جمع کرائی گئی حاضری معافی کی درخواست مسترد کر دی۔
عدالت نے حکم دیا کہ پرویز الٰہی 10 ہزار روپے کے ضمانتی مچلکے جمع کروائیں، بصورت دیگر کارروائی عمل میں لائی جائے گی۔
مقدمے کی سماعت کے دوران پرویز الٰہی کی طرف سے وکیل عامر سعید راں پیش ہوئے۔
