کوئٹہ:ریلوے حکام نے جعفر ایکسپریس کی دو روزہ معطلی کا اعلان کر دیا ہے۔ کوئٹہ سے پشاور جانے والی یہ مسافر ٹرین 25 اور 26 اگست کو اپنے شیڈول کے مطابق روانہ نہیں ہوگی۔
ترجمان پاکستان ریلوے کے مطابق، حالیہ شدید بارشوں کے نتیجے میں مختلف علاقوں میں سیلابی صورتحال پیدا ہو گئی ہے، جس کے باعث حفاظتی اقدامات کے تحت ٹرین سروس کو عارضی طور پر بند کیا جا رہا ہے۔
ریلوے حکام کا کہنا ہے کہ متاثرہ مسافروں کو ان کے ٹکٹ کی مکمل رقم واپس کر دی جائے گی، جبکہ جیسے ہی صورتحال بہتر ہوگی، ٹرین سروس کی بحالی سے متعلق آگاہ کر دیا جائے گا۔
