اسلام آباد: ٹرانسفر ہونے والے ججز کے حوالے سے اہم پیش رفت سامنے آئی ہے، صدر مملکت نے جسٹس سرفراز ڈوگر کو اسلام آباد ہائی کورٹ کا سینیئر ترین جج قرار دے دیا ہے۔
صدر نے نہ صرف جسٹس سرفراز ڈوگر بلکہ دیگر دو ججز کی ٹرانسفر کو بھی مستقل حیثیت دے دی ہے۔
واضح رہے کہ سپریم کورٹ نے اسلام آباد ہائی کورٹ کے ججز کی سینیارٹی کے تعین کا معاملہ صدر مملکت کو بھیج دیا تھا، جس پر صدر نے سینیارٹی کی فہرست جاری کر دی ہے۔
جاری کردہ لسٹ کے مطابق، جسٹس سرفراز ڈوگر سب سے سینیئر جج ہوں گے، جب کہ جسٹس خادم حسین سومرو کو نویں اور جسٹس آصف کو گیارہویں نمبر پر رکھا گیا ہے۔
یاد رہے کہ ججز کی مستقل ٹرانسفر اور سینیارٹی سے متعلق یہ معاملہ عدالت عظمیٰ میں زیر سماعت تھا، اور گزشتہ روز اسلام آباد ہائی کورٹ کے پانچ ججز نے سپریم کورٹ کے فیصلے کے خلاف اپیل بھی دائر کی تھی۔
اس حوالے سے سرکاری نوٹیفکیشن 27 جون 2025 کو جاری کیا گیا۔
