پیٹرولیم ڈویژن نے وفاقی کابینہ کی منظور کردہ پالیسی سوئی سدرن اور سوئی ناردرن کو بھیج دی ہے، جس کے تحت ملک میں قدرتی گیس پر نئے گھریلو کنکشن لگانے پر مستقل پابندی عائد کر دی گئی ہے۔ پہلے سے جمع ہونے والی تقریباً 30 لاکھ درخواستیں بھی منسوخ کرنے کی ہدایت جاری کر دی گئی ہے۔
نئے فریم ورک کے مطابق صرف درآمدی گیس پر کنکشن فراہم کیے جائیں گے، جو 9 اہم شرائط پر مبنی ہوں گے۔ سوئی سدرن اور سوئی ناردرن کمپنیوں کو ہدایت دی گئی ہے کہ ایک سال کے دوران 50 فیصد صارفین کو ارجنٹ فیس کی بنیاد پر کنکشن دیا جائے، جبکہ ارجنٹ فیس ادا کرنے والے صارفین کو تین ماہ کے اندر نیا کنکشن فراہم کر دیا جائے گا۔
ایک سال سے زیادہ عرصے سے منقطع گھریلو صارفین کو بھی درآمدی گیس پر کنکشن دیا جائے گا، تاہم اس کا ٹیرف ملکی گیس کے مقابلے میں 70 فیصد زیادہ ہوگا۔
