کراچی: عالمی اور مقامی مارکیٹوں میں جمعہ کے روز سونے کی قیمتوں میں کمی ریکارڈ کی گئی۔
بین الاقوامی بلین مارکیٹ میں فی اونس سونا 10 ڈالر سستا ہو کر 3 ہزار 344 ڈالر پر آ گیا، جس کے اثرات مقامی صرافہ بازاروں میں بھی دیکھے گئے۔
مقامی مارکیٹ میں 24 قیراط فی تولہ سونے کی قیمت 1 ہزار روپے کمی کے بعد 3 لاکھ 57 ہزار 100 روپے ہو گئی، جبکہ فی 10 گرام سونا 858 روپے سستا ہو کر 3 لاکھ 6 ہزار 155 روپے پر آ گیا۔
دوسری جانب چاندی کی قیمت میں کوئی ردوبدل نہیں ہوا، فی تولہ 4 ہزار 72 روپے اور فی 10 گرام 3 ہزار 491 روپے پر مستحکم رہی۔
