کراچی: عالمی اور مقامی مارکیٹوں میں سونے کی قیمت میں مسلسل دوسرے دن کمی ریکارڈ کی گئی۔ بین الاقوامی بلین مارکیٹ میں فی اونس سونا 9 ڈالر کمی کے بعد 3022 ڈالر پر آگیا۔
دوسری جانب ملکی صرافہ بازار میں 24 قیراط سونے کی فی تولہ قیمت 800 روپے کمی کے ساتھ 3 لاکھ 18 ہزار روپے اور فی 10 گرام سونا 686 روپے سستا ہوکر 2 لاکھ 72 ہزار 633 روپے پر پہنچ گیا۔
تاہم، چاندی کی قیمت میں کوئی رد و بدل نہیں ہوا، فی تولہ چاندی 3475 روپے اور فی 10 گرام 2979 روپے کی سطح پر مستحکم رہی۔
واضح رہے کہ گزشتہ روز بھی عالمی مارکیٹ میں فی اونس سونا 19 ڈالر سستا ہوا تھا، جبکہ مقامی مارکیٹ میں فی تولہ سونے کی قیمت میں 2 ہزار روپے کی کمی دیکھی گئی تھی۔
