اسلام آباد: عمران خان اور ان کی اہلیہ بشریٰ بی بی کے خلاف توشہ خانہ ٹو کیس کی سماعت بغیر کارروائی ملتوی ہو گئی۔
ذرائع کے مطابق، بانی پاکستان تحریک انصاف عمران خان اور بشریٰ بی بی کے خلاف یہ کیس آج اڈیالہ جیل میں پیش کیا گیا، تاہم وکیل صفائی فیصل قوسین مفتی کی غیر حاضری کی وجہ سے سماعت آگے نہ بڑھ سکی۔
عدالتی احکامات کے باوجود وکیل قوسین مفتی وقت پر جیل نہیں پہنچے، جس کے باعث اسپیشل جج سینٹرل شاہ رخ ارجمند نے سماعت بغیر کارروائی کے ختم کر دی۔
عدالت نے کیس کی اگلی سماعت 6 اکتوبر تک ملتوی کر دی ہے اور آئندہ سماعتیں بھی اڈیالہ جیل میں ہی ہوں گی۔
