کراچی: چیئرمین پیپلز پارٹی بلاول بھٹو زرداری نے اسرائیل کی جانب سے گلوبل صمود فلوٹیلا کو روکنے اور سابق سینیٹر مشتاق احمد خان سمیت تمام افراد کو حراست میں لینے کے خلاف سخت ردعمل دیا ہے اور فوری رہائی کا مطالبہ کیا ہے۔
بلاول بھٹو زرداری نے کہا کہ فلوٹیلا میں موجود افراد کھانے اور دوا کے لیے خطرہ نہیں ہیں، اور اسرائیل کی جانب سے ڈاکٹروں اور رضاکاروں کو حراست میں لینا انسانیت پر کھلا حملہ ہے۔
انہوں نے مزید کہا کہ پاکستان کے سینیٹر مشتاق احمد خان کو حراست میں لینا بین الاقوامی قوانین کی صریح خلاف ورزی ہے۔
چیئرمین بلاول بھٹو زرداری نے غزہ کے لیے فوری انسانی راہداری قائم کرنے اور فلسطین کے لیے انصاف فراہم کرنے کا بھی مطالبہ کیا ہے۔
