اسلام آباد: ڈسٹرکٹ اینڈ سیشن کورٹ اسلام آباد نے آڈیو لیک کیس میں وزیرِ اعلیٰ خیبر پختونخوا علی امین گنڈا پور کے ناقابلِ ضمانت وارنٹ گرفتاری جاری کر دیے۔ ایڈیشنل ڈسٹرکٹ اینڈ سیشن جج نصر من اللہ بلوچ نے حکم جاری کیا۔
مقدمے میں نامزد شریک ملزم عدالت میں پیش ہوا، تاہم علی امین گنڈا پور پیش نہ ہوئے۔ عدالت نے پولیس کو ہدایت دی کہ وزیر اعلیٰ کو گرفتار کرکے آئندہ سماعت پر عدالت کے روبرو پیش کیا جائے۔
کیس کی سماعت 5 نومبر تک ملتوی کر دی گئی ہے۔ واضح رہے کہ علی امین گنڈا پور کے خلاف یہ مقدمہ تھانہ گولڑہ میں درج ہے۔
