ملک کے سرکاری زرمبادلہ ذخائر میں ایک ہفتے کے دوران 4 کروڑ 90 لاکھ ڈالر کا اضافہ ریکارڈ کیا گیا۔
اسٹیٹ بینک کی جاری کردہ تازہ رپورٹ کے مطابق 14 مارچ کو ختم ہونے والے ہفتے میں سرکاری زرمبادلہ ذخائر 4 کروڑ 90 لاکھ ڈالر بڑھ کر 11 ارب 14 کروڑ 68 لاکھ ڈالر تک پہنچ گئے۔
اعداد و شمار کے مطابق، 14 مارچ تک مجموعی زرمبادلہ ذخائر 16 ارب ایک کروڑ 58 لاکھ ڈالر تک جا پہنچے، جن میں سے کمرشل بینکوں کے پاس 4 ارب 86 کروڑ 90 لاکھ ڈالر کے ذخائر موجود ہیں۔
