غزہ جنگ بندی معاہدے کے تحت فلسطینی مزاحمتی تنظیم حماس نے مزید 3 اسرائیلی یرغمالیوں کو رہا کر دیا۔
عرب میڈیا کے مطابق، حماس نے یرغمالیوں کو خان یونس میں منعقدہ ایک باضابطہ تقریب میں ریڈ کراس کے حوالے کیا، جہاں ریڈ کراس کے اہلکار نے یرغمالیوں کی رہائی کی دستاویزات پر دستخط بھی کیے۔
معاہدے کے تحت 369 فلسطینی قیدیوں کو بھی رہا کیا جائے گا۔
یاد رہے کہ اس سے قبل، اسرائیل کی جانب سے معاہدے کی مسلسل خلاف ورزی کے باعث حماس نے معاہدے پر عمل درآمد روک دیا تھا۔ تاہم، مصر اور ترکی کی سفارتی کوششوں کے بعد دونوں فریقین کو معاہدے پر عمل درآمد کے لیے آمادہ کیا گیا، جس کے نتیجے میں مزید یرغمالیوں کی رہائی ممکن ہو سکی۔