صدر نے دستخط کردیے، متنازع پیکا ایکٹ ترمیمی بل قانون بن گیا

صدر مملکت آصف علی زرداری نے متنازع پریوینشن آف الیکٹرونک کرائمز (پیکا) ایکٹ ترمیمی بل 2025 پردستخط کردیے ہیں۔

صدر پاکستان کے دستخط کے بعد پیکا ایکٹ ترمیمی بل 2025 قانون بن گیا ہے۔

 خیال رہےکہ قومی اسمبلی نے 23 جنوری کو  پیکا ایکٹ ترمیمی بل منظور کیا تھا جس کے بعدگزشتہ روز ہی  یہ بل سینیٹ سے بھی منظور ہوگیا تھا۔

پیکا ایکٹ ترمیمی بل کے خلاف صحافیوں نے پارلیمنٹ کی کارروائی سے واک آوٹ بھی کیا تھا۔