میلسی(نمائندہ خصوصی ) بین الااضلاعی سڑک میلسی وہاڑی روڈ برباد ہو کررہ گیا ۔جگہ جگہ کھڈے گڑھے ٹوٹی بجری نے گاڑیوں کے انجن خراب کردئیے اورمسافروں کے سفر کو تکلیف دہ بنا دیا ٹول ٹیکس ،ہری چند ،کوٹلی مہتم ،کرم پور سمیت درجنوں مقامات پرسڑک اس قدر اکھڑ چکی ہے کہ حادثات معمول بن کر رہ گئے ہیں اس سڑک پر دوایم این ایز دو سابق وزراء اور 4,ایم پی ایز کی رہائش گاہیں موجود بھی ہیں اور ان کا گھر تک آنا جانا بھی اسی ٹوٹی پھوٹی سڑک سے ہی ہوتا ہے مگر تا حال یہ اراکین اسمبلی بھی اس اہم سڑک کو بنوانے کے لیے کوئی موثر کردار ادا نہیں کر سکے اور نہ ہی سڑک پر پیچز لگائے گئے اور نہ ہی ریپیرنگ ہو سکی ہے بین الاضلاعی مسافر بسیں ٹرک مال بردار ٹرالرز اور دیگر بھاری ٹریفک کے گذرتے وقت سڑک کے پتھر اڑ اڑ کر کناروں کی دکانوں میں لوگوں کو ھٹ کرتے ہیں علاقہ نے وزیر اعلی پنجاب چیف سیکرٹری پنجاب اورکمشنر ملتان سے فوری نوٹس لینے کا مطالبہ کیا ہے۔
