یواے ای کی اسرائیل سمیت 87 ممالک کیلئے ویزا فری سہولت شروع،بھارت بھی شامل ،عرب میڈیا کے مطابق متحدہ عرب امارات کی جانب سے ویزے سے مستثنیٰ ممالک کی فہرست جاری کی گئی ہے۔ ایئرپورٹ پر ویزہ فراہم کرنے کی سہولت میں اسرائیل بھی شامل ہے۔ جس کے تحت اسرائیل اور بھارت سمیت 87 ممالک کے شہری بغیر پیشگی ویزا کے متحدہ عرب امارات میں داخل ہو سکتے ہیں۔ حکام کے مطابق ان ممالک کے شہریوں کو ایئرپورٹ پہنچنے پر 30 سے 90 دنوں تک کا ویزا فراہم کردیا جائے گا۔ جس میں مزید 10 دن کی توسیع کی جا سکتی ہے۔ گلف تعاون تنظیم کے رکن ممالک کے شہریوں کو نہ تو انٹری ویزا کی ضرورت ہے اور نہ ہی کسی کفیل کی ضرورت ہو گی۔
