لاہور: آزاد کشمیر کی موجودہ سیاسی صورتحال کے حوالے سے مسلم لیگ (ن) کے صدر محمد نواز شریف کی زیر صدارت ایک اہم مشاورتی اجلاس جاتی امرا میں جاری ہے۔
ذرائع کے مطابق اجلاس میں مسلم لیگ (ن) آزاد کشمیر کی مرکزی قیادت شریک ہے جبکہ وفاقی وزیر برائے امور کشمیر امیر مقام، شاہ غلام قادر، مشتاق منہاس سمیت دیگر اہم رہنما بھی موجود ہیں۔
اجلاس میں آزاد کشمیر کی مجموعی سیاسی صورتحال کا تفصیلی جائزہ لیا جا رہا ہے اور مختلف سیاسی و تنظیمی امور پر غور و مشاورت کی جا رہی ہے۔
ذرائع کا کہنا ہے کہ اجلاس میں پارٹی کی آئندہ سیاسی حکمت عملی، تنظیمی ڈھانچے اور سیاسی رابطوں سے متعلق معاملات زیر بحث ہیں تاکہ جماعت کو مزید مؤثر انداز میں منظم کیا جا سکے۔
مزید بتایا گیا ہے کہ آزاد کشمیر کے سیاسی مستقبل اور آئندہ لائحہ عمل پر بھی غور کیا جا رہا ہے، جبکہ مشاورت کے دوران اہم فیصلوں اور ممکنہ اعلانات کا امکان بھی ظاہر کیا جا رہا ہے۔
