لاہور میں انمول عرف پنکی کی رہائش کا انکشاف، تصاویر منظر عام پر

لاہور میں منشیات فروشی کے الزام میں گرفتار انمول عرف پنکی کے رہائشی ٹھکانے سے متعلق اہم تفصیلات سامنے آ گئی ہیں۔
ذرائع کے مطابق انمول عرف پنکی نے لاہور کی ایک نجی ہاؤسنگ سوسائٹی میں گھر کرائے پر حاصل کر رکھا تھا۔
بتایا گیا ہے کہ جس علاقے میں وہ رہائش پذیر تھی وہاں بڑی تعداد میں نجی یونیورسٹیوں کے طالبات کے رہائشی ہاسٹلز موجود ہیں، جبکہ اسی گلی میں لڑکوں اور لڑکیوں کے متعدد ہاسٹلز بھی قائم ہیں۔
دستاویزات کے مطابق 5 مرلے کا یہ گھر شہری جہانزیب اشرف سے کرائے پر لیا گیا تھا اور کرایہ نامہ 300 روپے والے اسٹامپ پیپر پر 11 ماہ کے لیے تیار کیا گیا۔
معاہدے میں کرایہ دار کا نام براہِ راست انمول کے بجائے طاہر نامی شخص کے نام پر درج کیا گیا تھا۔ ایڈوانس کی مد میں 90 ہزار روپے ادا کیے گئے جبکہ ماہانہ کرایہ 45 ہزار روپے طے پایا تھا۔
ذرائع کے مطابق گرفتاری کے وقت انمول عرف پنکی کے والدین بھی گھر میں موجود تھے، جبکہ بعد ازاں گھر کو تالے لگا دیے گئے ہیں۔