فیصل واوڈا نے منشیات کیس سے متعلق انمول عرف پنکی پر طنزیہ ردعمل دیتے ہوئے کہا ہے کہ وہ اس بات کے منتظر ہیں کہ منشیات فروش کو کب تمغہ دیا جائے گا۔
سماجی رابطے کی ویب سائٹ ایکس پر جاری اپنے بیان میں انہوں نے کہا کہ حیرت کی بات ہے کہ ایک مبینہ منشیات فروش کو “پنکی” بنا کر پیش کیا جا رہا ہے اور ایسے افراد قیامِ پاکستان سے اب تک نظام پر قابض ہیں۔
فیصل واوڈا کا کہنا تھا کہ اس صورتحال نے ملک کے بچوں اور آنے والی نسلوں کو نقصان پہنچایا ہے، اور جب تک ایسے عناصر کا احتساب نہیں ہوتا، یہ سلسلہ جاری رہے گا۔
انہوں نے مزید کہا کہ جمہوری فیصلوں کے بجائے بیوروکریسی سے فیصلے کروانے، جھوٹے الزامات، بیانیے بنانے اور سیاسی سرگرمیوں کے ذریعے ملک کو نقصان پہنچایا جا رہا ہے۔
اپنے بیان کے آخر میں انہوں نے ایک شعر بھی شیئر کیا کہ یہ تو ابتدا ہے اسکینڈلز کی، روتا ہے کیا، آگے آگے دیکھئے اسکینڈلز سے ہوتا ہے کیا۔
