اسلام آباد: قومی ایئرلائن پی آئی اے کی نجکاری کے عمل میں اہم پیش رفت سامنے آئی ہے، جس کے تحت 25 مئی کو ادارہ باضابطہ طور پر نئے مالکان کے حوالے کیے جانے کا امکان ہے۔
ذرائع کے مطابق پی آئی اے کی نجکاری آخری مراحل میں داخل ہو چکی ہے اور نئے مالکان اس تاریخ کو ادارے کا مکمل کنٹرول سنبھال لیں گے۔ حکام کا کہنا ہے کہ نجکاری سے متعلق تمام بنیادی شرائط پہلے ہی مکمل کر لی گئی ہیں۔
رپورٹس کے مطابق یورپ اور برطانیہ کے روٹس کی بحالی کے بعد پی آئی اے کی مالی صورتحال میں بہتری دیکھی گئی ہے، جس سے ادارے کی کارکردگی میں بھی مثبت اثرات مرتب ہوئے ہیں۔
ذرائع مزید بتاتے ہیں کہ نجکاری کے بعد پی آئی اے کے فلیٹ میں توسیع اور بین الاقوامی روٹس بڑھانے کا منصوبہ بھی تیار کیا جا رہا ہے۔ نئی انتظامیہ ادارے کے آپریشنز اور نیٹ ورک کو مزید وسعت دینے پر کام کرے گی۔
