ملتان سمیت پنجاب بھر میں بارش برسانے والا سسٹم آج دوپہر تک نکل جائے گا، جس کے بعد صوبے بھر میں گرمی کی شدت دوبارہ بڑھنے کا امکان ہے۔
محکمہ موسمیات کے مطابق لاہور سمیت مختلف شہروں میں آج صبح سے ہی سورج کی تپش میں اضافہ دیکھنے میں آ رہا ہے۔
رپورٹ کے مطابق شہر میں کم سے کم درجہ حرارت 26 ڈگری سینٹی گریڈ جبکہ زیادہ سے زیادہ درجہ حرارت 38 ڈگری سینٹی گریڈ تک جانے کا امکان ظاہر کیا گیا ہے۔
ماہرین کے مطابق آئندہ ایک سے دو روز تک موسم گرم اور خشک رہنے کی توقع ہے اور اس دوران بارش کا کوئی امکان موجود نہیں۔
