جلال پورپیروالہ(نامہ نگار)مٹی دھول کے باعث رکشہ لوڈ ڈمپر سے ٹکرا گیا، خاتون سمیت 3 افراد جاں بحق، بچی سمیت 3زخمی ہوگئے۔ تفصیل کے مطابق آٹو رکشہ خان بیلہ سے جلال پور آرہا تھا کہ حفاظتی بند پر کام کرنے والا ڈمپر مٹی لوڈ کرکے خان بیلہ روڈ پر چڑھا تو مٹی دھول اڑنے کے باعث خان بیلہ کی طرف سے آنیوالا آٹو رکشہ پیچھے سے ڈمپر کو ٹکرا گیا۔ افسوسناک حادثہ میں 25 سالہ رکشہ ڈرائیور محمد عارف موقع پر ہی جاں بحق ہوگیا۔ ہسپتال پہنچنے پر شدید زخمی 45 سالہ شبانہ بی بی اور 60سالہ غلام بشیر بھی زخموں کی تاب نہ لاتے ہوئے جاں بحق ہوگئے۔ شدید زخمی 3سالہ عمیمہ کو نشتر ہسپتال ملتان ریفر کیا گیا دیگر زخمیوں میں زرینہ بی بی اور کنیز مائی شامل ہیں۔
