کراچی: جنوبی ایشیا میں سونے کی قیمتوں میں مسلسل اضافے کے باعث شادیوں کے روایتی رجحانات میں نمایاں تبدیلی دیکھنے میں آ رہی ہے۔
میڈیا رپورٹس کے مطابق خطے میں سونے کی ریکارڈ بلند قیمتوں نے شادی بیاہ کے انداز کو بدل کر رکھ دیا ہے، جس کے باعث دلہنوں اور ان کے اہلِ خانہ کے لیے خالص سونا خریدنا پہلے کی نسبت زیادہ مشکل ہو گیا ہے۔
قیمتوں میں اضافے کے بعد اب کئی دلہنیں نقلی زیورات یا کم مقدار میں سونے کے زیورات کی طرف رجحان بڑھا رہی ہیں، جبکہ ایک گرام گولڈ جیولری بطور متبادل تیزی سے مقبول ہو رہی ہے۔ اس صورتحال میں متوسط طبقہ بھی اپنی روایتی خریداری کی حکمت عملی تبدیل کرنے پر مجبور ہو گیا ہے۔
دوسری جانب پاکستان، بھارت اور بنگلادیش میں سونے کی خریداری میں واضح کمی ریکارڈ کی گئی ہے، جس کے باعث سونا اب زیادہ تر زیور کے بجائے سرمایہ کاری کے طور پر دیکھا جانے لگا ہے۔
