پاکستان کی جانب سے بھارتی پروازوں پر پابندی، سول ایوی ایشن اتھارٹی نے نوٹم جاری کر دیا

پاکستان نے بھارت کے لیے فضائی حدود بند کرنے کا بڑا فیصلہ کر لیا، جس کا باضابطہ نوٹم (NOTAM) بھی جاری کر دیا گیا ہے۔ اس اقدام کے تحت بھارتی رجسٹرڈ سول اور عسکری طیارے، بشمول لیز پر حاصل کیے گئے جہاز، اب پاکستانی فضائی حدود استعمال نہیں کر سکیں گے۔
نوٹم کے مطابق، فضائی پابندی 23 مئی کی رات 12 بجے تک نافذ العمل رہے گی۔ ایوی ایشن ذرائع کا کہنا ہے کہ یومیہ 100 سے زائد بھارتی پروازیں پاکستان کی فضا سے گزرتی تھیں، جن میں ایئر انڈیا، اسپائس جیٹ، انڈیگو، ایئر انڈیا ایکسپریس اور آکاسا ایئر شامل ہیں۔
اس بندش کے باعث بھارتی پروازوں کا یومیہ خرچہ لاکھوں ڈالرز تک بڑھ جائے گا، کیونکہ متبادل روٹس کی وجہ سے انہیں اضافی 2 گھنٹے درکار ہوں گے۔ تاہم، یہ اقدام پاکستان کو بھی مالی طور پر متاثر کرے گا، کیونکہ فضائی آمدن میں روزانہ لاکھوں ڈالر کی کمی متوقع ہے۔