یاور حسین پاکستان اسپورٹس بورڈ کے نئے ڈائریکٹر جنرل مقرر، باقاعدہ نوٹیفکیشن جاری
یاور حسین کو پاکستان اسپورٹس بورڈ (PSB) کا نیا ڈائریکٹر جنرل تعینات کر دیا گیا ہے۔
تفصیلات کے مطابق ان کی تقرری کا باضابطہ نوٹیفکیشن جاری کر دیا گیا ہے۔ اس سے قبل یاسر پیرزادہ کے جانے کے بعد محی الدین وانی کے پاس ڈی جی پی ایس بی کا اضافی چارج موجود تھا۔
نئے ڈی جی پی ایس بی یاور حسین اس سے پہلے پاسپورٹس اینڈ امیگریشن میں بھی بطور ڈائریکٹر جنرل ذمہ داریاں انجام دے چکے ہیں۔
گریڈ 20 کے افسر یاور حسین کا تعلق جھنگ سے ہے اور وہ بلوچستان میں بھی مختلف اہم عہدوں پر خدمات انجام دے چکے ہیں۔
وہ بطور جوائنٹ سیکرٹری داخلہ امور بھی کام کر چکے ہیں اور انتظامی شعبے میں وسیع تجربہ رکھتے ہیں۔
