چیئرمین پاکستان کرکٹ بورڈ محسن نقوی نے تمیم اقبال کو بنگلادیش کرکٹ بورڈ کا بلا مقابلہ صدر منتخب ہونے پر مبارکباد پیش کی ہے۔
تفصیلات کے مطابق محسن نقوی نے تمیم اقبال کے لیے نیک خواہشات کا اظہار کرتے ہوئے کہا کہ ان کا صدر منتخب ہونا بنگلادیش میں کرکٹ کے فروغ کے لیے ایک مثبت پیش رفت ہے۔
انہوں نے امید ظاہر کی کہ تمیم اقبال کی قیادت میں بنگلادیش کرکٹ بورڈ کھیل کی ترقی اور بہتری کے لیے مؤثر کردار ادا کرے گا۔
واضح رہے کہ ڈھاکا میں ہونے والے انتخابات میں تمیم اقبال بلا مقابلہ صدر منتخب ہوئے، وہ اس عہدے کے لیے واحد امیدوار تھے۔
وہ آئندہ چار سال کے لیے بنگلادیش کرکٹ بورڈ کی قیادت کریں گے اور اس سے قبل وہ عبوری کمیٹی کے سربراہ کے طور پر بھی خدمات انجام دے چکے ہیں۔
