رحیم یار خان (قوم نیوز) وزیراعلیٰ پنجاب مریم نواز شریف کی جانب سے کچے کیلئے ترقیاتی فنڈز کے اعلان پر جشن کا سماں ہے۔کچے کے سابقہ اشتہاری ڈاکوؤں کی جانب سے ’شکریہ مریم نواز‘ ریلی کا انعقاد کیا گیا، ریلی کے شرکاء کی پنجاب حکومت، پولیس اور پاک فوج کے حق میں بھرپور نعرے بازی کی گئی۔سابق اشتہاریوں نے ہتھیار ڈالنے کے بعد روایتی موسیقی پر جھومر ڈالی اور رقص کیا، شبیر لٹھانی نے کہا کہ حکومت نے 23 ارب کا بجٹ دے کر کچے کو پکے کے برابر کر دیا۔مریم نواز نے کچے کے لوگوں کو بھی اپنے بچوں کی طرح سمجھا، سابق اشتہاریوں نے وزیراعلیٰ سے اظہارِ تشکر کیا۔شبیر لٹھانی نے کہا کہ حکومت کی جانب سے عام معافی کے اعلان کے بعد ہتھیار ڈالے، اب پُرامن زندگی گزارنا چاہتے ہیں۔ریلی کے شرکا نے کہا کہ وزیراعلیٰ پنجاب مریم نواز کے ترقیاتی منصوبوں نے کچے کی تقدیر بدل دی ہے۔
