کراچی: گورنر سندھ کامران خان ٹیسوری نے کرمنل پراسیکیوشن ایکٹ میں ترمیمی بل کی منظوری دے دی، جس کے بعد یہ قانون فوری طور پر نافذ العمل ہوگیا۔
ترجمان کے مطابق سندھ اسمبلی نے سندھ کرمنل پراسیکیوشن سروس ترمیمی ایکٹ 2025 کی منظوری دی تھی، جس میں اہم ترامیم شامل کی گئی ہیں۔ ترجمان کا مزید کہنا تھا کہ اس بل کے ذریعے سندھ حکومت نے کرمنل پراسیکیوشن کے نئے اصول متعارف کرائے ہیں، جس کے تحت تمام پراسیکیوٹرز اور دیگر ممبران پراسیکیوٹر جنرل کے ماتحت کام کریں گے۔
