پی آئی اے ہولڈنگ کمپنی کے بورڈ آف ڈائریکٹرز کا اہم اجلاس 24 مارچ کو منعقد ہوگا، جس میں ایئرلائن کے مختلف امور پر غور کیا جائے گا۔
ذرائع کے مطابق اجلاس میں جون 2024 کی شش ماہی آڈٹ رپورٹ کی منظوری دی جائے گی، جبکہ قومی ایئرلائن کی نجکاری کے نئے مسودے اور اہداف پر بھی تبادلہ خیال ہوگا۔
اجلاس میں یورپ کے بعد برطانیہ کے فلائٹ آپریشن کی بحالی کے امکانات کا بھی جائزہ لیا جائے گا، جبکہ اس حوالے سے تیاریوں پر تفصیلی بریفنگ دی جائے گی۔
پی آئی اے کی ملکی اور غیر ملکی جائیدادوں سے متعلق انتظامیہ بورڈ کو آگاہ کرے گی، جبکہ ایئرلائن کے آپریشنل بیڑے سمیت دیگر معاملات پر بھی غور کیا جائے گا۔
