لاہور : وفاقی وزیر داخلہ محسن نقوی نے مسلم لیگ (ق) کے سربراہ چودھری شجاعت حسین سے ان کی رہائش گاہ پر ملاقات کی۔ ملاقات میں انہوں نے چودھری شجاعت حسین کے بہنوئی جاوید چٹھہ کے انتقال پر گہرے دکھ اور افسوس کا اظہار کیا۔
اس موقع پر صوبائی وزیر چودھری شافع حسین بھی موجود تھے۔
محسن نقوی نے مرحوم کے ایصالِ ثواب کے لیے فاتحہ خوانی کی اور چودھری شجاعت حسین سے دلی ہمدردی کا اظہار کیا۔
ملاقات کے دوران وفاقی وزیر داخلہ نے اندرونی سیکیورٹی کے حوالے سے اقدامات پر بریفنگ دی، جس پر چودھری شجاعت حسین نے مجموعی سیکیورٹی صورتحال پر اطمینان کا اظہار کیا اور وزارتِ داخلہ کی کارکردگی کو سراہا۔
دونوں رہنماؤں نے شہدائے وطن کو خراجِ عقیدت پیش کرتے ہوئے ملک میں امن و استحکام کے لیے دعا کی۔
